Një 24-vjeçar shqiptar ka rënë në prangat e policisë Britanike, pasi është kapur në një shtëpi bari.
Bëhet me dije se në pragna ka rënë Hygert Geca. Ai u kap duke u kujdesur për fabrikën e kanabisit në një shtëpi në rrugën Brighton në Wakefield.
Policia kishte shkuar në pronë, por Geca ka goditur një nga policët në tentativë për t’i shpëtuar prangave, por që u arrestua vetëm pak momente më pas.
Në banesë u gjetën 41 bimë kanabis dhe aparate për rritje, duke përfshirë dritat. Policia gjeti edhe 4 kg kanabis të tharë në papafingo. Geca, i cili nuk ka asnjë dënim të mëparshëm, nuk dha asnjë koment gjatë intervistës së tij në polici.
Avokati i tij tha në gjykatë: “Shqipëria është një nga vendet më të varfra në Evropë dhe rrethanat e tij ishin shumë të këqija”.
Ai tha se 24-vjeçari mori hua mijëra dollarë nga familja e tij për të paguar bandën që e solli në mënyrë të paligjshme përtej Kanalit Anglez dhe se më pas ishte i detyruar të punonte që të shlyente borxhin.
